一月 2013

Monthly Archive

愛你就要俾晒你

Posted by on 29 一月 2013 | Tagged as: 浩氣

教會今年的主題係愛神。愛這東西,隨著年紀和經歷,領受不同。

昨日請假照顧細女。很久沒有單對單對著這個小人仔(little person),平日只留心她的重量,食量,排(便/水)量,和聲量,這回完全不同,原來她裡面的軟件也長進了很多。原以為大難臨頭,要「長褲短褲 爸爸好辛苦」唱個不停,結果是一段非常寶貴的回憶。

湊女是優差還是苦差,就在一念之間,關鍵在自己肯唔肯「俾晒」。

照顧孩子的苦,根在「有我」。肯「俾晒」,就「無我」。好想睇電視,有我。好想瞓,有我。望子成龍,也是有我。真正的「俾晒」,是不計回報,不執著,無所住的。

「俾晒你」是完全的與另一個人在一起。人在,心也在。這個心,是「俾晒」。兩個家庭,父母都給子女講故事,一個借故事與子女在一起,另一個借故事訓練子女的語言能力,前者是「俾晒你」,後者不是。

很奇妙,「俾晒」與否是感覺得到的。昨日女兒很多時間(夠飽和夠瞓時),都「俾晒」我,所以她是否「俾晒」,我很清楚。當她只是一心一意的想和我在一起,而我又願意「俾晒」時,心意相依,愛就出現了。

Agape,有個音近但不明所以的翻譯,愛加倍,倒不如譯做俾晒你。Agape,俾晒你,音不近,只有個pe音,但達意。對廣東人,𣎴錯的翻譯乎?!

小藍語錄 IV

Posted by on 28 一月 2013 | Tagged as: 嫻情, 成長中的生命

媽:BB你想食咩呀?不如食豆沙包啦
BB:(笑)Jingle Bells?
媽:(呆了一會,笑)係呀,叮噹鍾意食架,不過叮噹個英文名叫Doraemon,唔係Jingle Bells 呀
BB:Oh, his name is so hard…

小藍語錄 III

Posted by on 28 一月 2013 | Tagged as: 嫻情, 成長中的生命

星期六早上家裡充滿著媽咪的催促聲:快啲啦,遲到啦,你再唔行我走先啦。
小藍在媽咪的奪命煩音中食早餐,著鞋。在車程中,媽咪不斷告訴小藍陣間打針有少少痛,不過好快會無事,小藍唯唯諾諾。終於到了診症室,望著針筒快要"吉"到自己的手,小藍的聲音開始顫抖。"吉"到了,小藍爆喊了。。。30秒,跟住揀完貼紙離開診所。

媽:一個月後要嚟再打多一次

小藍:咁下次我哋唔好咁快啦。

媽:點解呀,遲咗無得打架啦。

小藍:下次我哋唔好行咁快,咁佢哋閂咗門,我咪唔使打針囉,因為我好驚驚打針呀。

媽:….

小藍語錄 II

Posted by on 25 一月 2013 | Tagged as: 嫻情, 成長中的生命

媽:BB你肚唔肚餓呀?我好肚餓呀
BB:No
媽:點解呀?
BB:因為我想玩囉!
小朋友毫無掩飾,多直接!

小藍語錄 I

Posted by on 25 一月 2013 | Tagged as: 嫻情, 成長中的生命

媽:BB食唔食砵仔糕呀?
BB一臉奸笑兼點頭,再加隻手在鼻邊撥吓撥吓
媽:做咩呀?有嘢好臭咩?
BB:砵仔糕… (繼續奸笑)
媽:呢個砵係指碗仔,唔係放屁呀,哈哈哈…

簡單,也可以很窩心 VII

Posted by on 25 一月 2013 | Tagged as: 嫻情, 成長中的生命

昨晚違失了電話,爸爸又未回家,既焦急又膽心,我告訴小藍:"媽咪好唔開心,唔見咗個電話,打唔到比爸爸。"小藍對我說:"唔緊要啦,你攞我個電話打比Daddy啦。嗱,囉住條腸仔先啦。"便隨手拿起她平常當作電話的玩具香腸給我。過了一會,畢境是數百元的電話,爸爸又晚了放工,難免會胡思亂想,雖然小藍玩iPad正玩得入神,我也忍不住對她要求,"HugHug 媽咪啦,媽咪仲係好唔開心呀。"接著小藍便放下iPad一會Hug我,並輕拍著我的背。

小藍著實是安慰了我,我也很感動,她願意給我她的玩具,並說安慰的話,也願意放下手上的玩意來擁抱我,真的很感恩天父給我這可愛的女兒。

WordPress 3.5 Upgrade issue – Load.php line 546

Posted by on 24 一月 2013 | Tagged as: 浩氣

因著安全理由升級到WP3.5,不幸自動升級出了亂子,太太投訴不能發新文章,後來發覺連改設定也不成。在error_log 發現這個:

PHP Warning: array_merge() [< a href='function.array-merge'>function.array-merge< /a >]: Argument #2 is not an array in [root]/wp-includes/load.php on line 546

line 546 原碼是這樣的:
$_REQUEST = array_merge( $_GET, $_POST );

改為:

$_REQUEST = array_merge((array)$_GET, (array)$_POST );

問題解決了。

升級前一直不能用那個新增媒體功能,哈!現在成功了。

P1030555